ابن طنط منى خطب،،وااء !!

خير اللهم ما اجعله خير من فترة كده لقيت اختي بتقولي طنط منى جاية تزور بابا ،مين طنط منى دي؟دي قريبتنا من ناحية ماما وبنت خال عم مش عارفة مين،،ماشي وماله تنور..اه بس انتِ هتسلمي عليها وتستقبليها_احنا كائنات انطوائية بالذات مع الاقارب_ ،،ايه المناسبة يعني،،مفيش عادي صلة رحم وبطلوا الانطوائية اللي انت فيها انت واختك(اختنا التالتة) وهتطلعوا..جدير بالذكر ان اختى الاولى دي متجوزة

كبرت دماغي وقلت ماي سيس العزيزة هتعترف لوحدها بكل حاجة وقد كان،،بصي اصل طنط منى دي عندها ولدين واحد مهندس والتاني ظابط وبعدين هي طول عمرها بتحب ماما وعاوزة تناسبها....اااااااااااااااااااه قلتيلي بقىطيب واحنا فيران التجارب؟لا،خالص مش انت ،اختك لوحدها بس لو مطلعتيش هي مش هتطلع بقى يا كوكو اطلعي معاها

المفروض جايين النهاردة،،اعتذروا وبعدين رجعوا جهم،،،لادخلت سوريعا سوريعا علشان البسماي سيس المتجوزة دخلت ورايا،ايه اللي انت لابساه ده؟ماله لبسي؟ايه الاسود ده ما تلبسي حاجة عدلةمعنديشاكيد معندكيش من امتى عندك حاجة عدلة اصلا

طيب اطلعي خليني اكمل لبسوفضلت مستنياني جمب اوطتي العزيزة لحد ما خلصت لبسي فعلا وطلعت معاها

وعدت القعدة عادي واختي الموسكينة التانية متعرفش اللي فيها،ومستقبلاها بحفاوة بقى وترحاب وعجبتها طنط منى اوي...بعد ما مشيت لقيتني بقول لاختي عاوزة تعرفي هم كانوا مصممين اننا نستقبلها ليه؟قالتلي علشان ماما بتحبها وعاوزنا نبقى على صلة بيها وكده..(بريئة اوختي)نسيت الحدوتة ونسيت طنط منى واذ فجأة لقيت اوختى الشوريرة بتقولي انا واوختي الطويبة مش ابن طنط منى خطب ،، :D

ايه ده يعني احنا اخدنا زمبة؟؟اه اخدتوا زمبة :P

طيب بالنوسبة للتاني طهلا طلع بتاع بنات اوي ومش هيتجوز كده طبعا نفسيتي اتدمرت اخر 70 حاجة فحبيت ابين لاوختي التدمير ده

فضلت ساكته كده افكر في وسيلة

واوختي حبيبتي،،انا اعصابي انهارت،،ودمرتيلي حياتي العاطفية،،وبقت عندي ازمة ثقة،،ولازم تشوفيلي حلاه يعني عاوزة ايه

عاوزة 200ج علشان انا مفلسة ومعيش ولا ملييييييييييييييييم،،،،،،،،،،،وااااااااااااااااااااء

هههههههههههههههههه،،لا يا حبيبتي لو مصدومة اوي كده ان ابن طنط منى خطب روحي اخطبي انت كمان :D

بشعه اختي دي على فكرة :D

وانا بكتب النوت دي عدى على رجلي صرصار،،اه صرصااااااااااااااااااااااااار،،مشي على رجلي عادي كده يعني،طبعا انا رميت اللاب على جنب وقمت قايدة النور وصحيت اختي الطيبة وعملت فيلم عربي والصرصار عدى على رجلي تااااااااااااااااااااااااااااااااااني وانا زي العبيطة بدور عليه :((( ناديت على اخويا يموته،واخويا الشورير جه وطلع نام ع السرير ولا عبرني ،،،وااااااااااااااااااااااااء

ملحوظة:لحد اللحظة انا معرفش ابن طنط منى ده اسمه ايه ولا اعرف اي حاجة عنه بخلاف انه ابن طنط منى

______________________________

يعني رغم كونه فلول من الدرجة الاولى وميزته الوحيدة انه بيموت الصراصير وساعات بستلف منه،مرضاش يموته...وااااءبس على مين،،انا موتته الحمدلله،،،نياهاهاهاهاها المهم في الموضوع اني فكرت،،يا ترى ايه مواصفات فتى الاحلام ان مكانتش انه بيعرف يموت الصراصير واي قارض يهوب ناحية البيت مثلا!!!!!

ساعتها ندمت اني مزعلتش على ابن طنط منى،،يمكن كان بيعرف يموت صراصير!!!

لا سمع ولا طاعة لك يا مجلسنا العزيز...!!!!

يوما ما

في زمن ما

عند قوم ما

حدثت حادثة

عجيبة خيالية

او يجب القول انها عجائبية

حدثت ديمقراطية

حدث عدل

والأنكى أن المحكوم تجرأ ع الحاكم فيما لو تجرئنا به الأن لقيل عنا خونة مندسون

سأروي تلك "العجيبة" ولنا فيها العبرة و...!

في عهد سيدنا عمر بن الخطاب (رضي الله عنه) حدثت،،،خطب يوما سيدنا في أمتنا قائلا" أيها الناس،اسمعوا واطيعوا"...ولمن الطاعة ان لم تكن لسيدنا (رضي الله عنه)

فإذا بسلمان الفارسي يرد قائلا:"لا سمع لك اليوم علينا ولا طاعة"!!!!!

أيحدق هذا بأرض الواقع؟؟أيخطب الحاكم ويأمر فيرفض أمره المحكوم؟؟؟وما هو بأي حاكم ولا كانوا اي محكومين وحدثت

خطب الصحابي الجليل أمير المؤمنين وأمر ورفضت الرعيةـ تلاميذ الحبيب (صلى الله عليه وسلم) ..

لو حدث هذا،،لو ،،كفرض جدلي يا سادة لا تغضبوا،،لو فقط حدث لقامت الدنيا متهمة سلمان بالمعصية وربما حتى الكفر،ولنكل به الحاكم أشد التنكيل،،لكن أفعل أمير المؤمنين هذا!!!

أبدا،،فقط سأله:ولم"؟؟

أجابه سلمان ب ":حتى تبين لنا من اين لك هذا البرد الذي ائتزرت به،وانت رجل طوال لا يكفيك البرد الذي نالك كبقية المسلمين"

أتكفي كل علامات التعجب هنا!!!!!!!!!!!!!!!!!!

قال لأمير المؤمنين لا سمع لك ولا طاعة لآنه يرتدي زيا طويلا يشتبه ان يكون امير المؤمنين خص نفسه به!!!

أليس حق أمير المؤمنين أن يغضب لنفسه هنا؟أليس هو الصحابي الجليل وثاني الخلفاء؟أليس وليس وليس؟؟؟؟لا والله لا يغضب أمير المؤمنين

انما ينادي ولده "عبدالله" فيقول له :" ناشدتك الله،هذا البرد الذي ائتزرت به اهو بردك!؟فيرد "عبدالله" قائلا:" نعم هو بردي أعطيته لآمير المؤمنين حتى يأتزر به،لآن البرد الذي ناله كبقية المسلمين لا يكفيه وهو رجل طوال".

عندئذ يقول "سلمان":"ألن مر،نسمع ونطيع!

______________________________

القصة السابقة جديرة بأن تتحول لمشهد درامي ضمن سلسلة "حدث بالفعل"،،فقد حدثت بالفعل

مجرد شبهة وربما حتى ليست شبهة،مجرد الرغبة في تطبيق شرع الله لغت القابلية للطاعة عند الرعية،وحاكم ليس كأي حاكم لا يغضب عندما يحق له تماما الغضب بل يتفهم ويجيب

ولو قلنا الأن أننا نتشكك في المجلس،ليس لآنه استأثر بالحكم مثلا،وليس لآنه عاد لم كان من ذل مع الاعداء وليس لانه لا يطبق العدل وليس وليس وليس بل فقط لآننا نريد صفحة بيضاء جديدة ناصعة صفحة نتمكن فيها من القول للحاكم " لاسمع لك ولا طاعة حتى.." صفحة نعود ونعيد للمجد والمجد...لا سمع لك ولا طاعة يا مجلسنا العزيز حتى ..!!

Kawther Elsaadny

النهاردة وانا بمتحن دماغي طبعا مكانتش في الامتحان خالص

يعني بدل ما اكتب عن الكازينوهات كنت بفكر في الاخوان_مادتنا فعلا فيها ادارة فنادق ونوع منها المتخصصة في الكازينوهات_ وعمالة اقول ليه محدش يتكلم معاهم في انهم ينزلوا يوم الجمعة 8/7

وبعدين قلت ما اروح اكلمهم انا :D

ايه اللي هيجرى يعني

قال يعني البنت المهمة

خلصت الامتحان ورحت على مقر الاخوان _اللي بقى رسمي وعيني عينك اهو_ ولقيته مقفول :(

والدنيا حر :(

جمبهم نجار قلتله متعرفش مواعيدهم!

قالي ملهمش مواعيد وهو السؤال هينط من عينه انت عوزاهم ليهمن النظرات حسيت كأني بعمل عملة مش رايحة مكان عام ومعروف

كلمت واحدة صاحبتي باباها اخوان يا بنتي عاوزة اوصلكم وتحديدا ل أ.محسن راضي (كان عضو البرلمان سنة2005) قالتلي اما اروح هجيبلك نمرته ..تسكعت شوية مع واحدة صاحبتي تانية ورحت تاني لقيتهم فتحوا (هيييييييييه :D( -ممكن اقابل استاذ محسن؟-لا هو في مكتبه دلوقتي ممكن تروحيله هناك

ملحوظة:هو محامي

-فين المكتب؟

-من هنا لأخر الشارع..الخ

والدنيا حر بردو بس قلت هتقابليه يعني هتقابليه يا فتكات

رحت المكتب والسلام عليكم وعليكم السلام

ممكن اقابله؟..الخ

دخلت المكتب كان بيتكلم في التليفون

بعد ما اخلص انا اسمي كذا واديته كارنيه الكلية وقلتله انا مبنتميش لأي تيار سياسي وعاوزة اسأل حضرتك عن موقفكم للجمعة الجاية

قالي طيب ولا اي تيار سياسي ولا شيوعية حتى!

بس بلهجة تريقة

قلت في نفسي التريقة اشتغلت اعملي نفسك عبيطة

-لا حضرتك

-الجمعة الجاية ايه اهدافها؟

-اكيد حضرتك شفت احداث ليلة الاربعاء واللي حصل والشهداء..الخ

-قالي طيب سمعتي عن الجمعة 15/7 ؟

-لا ،فيها ايه دي؟

-احنا(الاخوان) داعيين ليها

-وايه اهدافها ،حضرتك؟

-هناخد طبل ونروح التحرير ونعمل احتفالية للشهداء

طبعا بعبقريتي اللا محدودة كنت ادركت انه بيتريق عليا،بس عملت عبيطة وقلت كملي للأخر

-طيب وحضرتك شايف ان الطبل ده هيفيد اهالي الشهداء في حاجة؟

-اه هنحتفل بيهم ونعمل شو اعلامي ونظبط الجو

كفاية دور العبط بقى وعملت مصدومة

-ايه ده حضرتك بتتريق عليا؟ :(

-لقيته بيقولي طالما قلتي كده طيب اقعدي نتفاهم بالعقل

ياااااااااااااه اخيرا قالي اقعدي،انا كنت بسيح وهفطس من الحر والتدوير

اتناقشنا فعلا بكلام جاد ومفيهوش تريقة بعد كده،كان في معاه امام مسجد معروف عندنا و مدرس وتدخل في النقاش من باب اقناعي

دار بينا حوار تطرق ل أنتِ عارفة ان في انتخابات لنقابة الصيادلة الجمعة الجاية؟

وكان ردي مش كل الاخوان صيادلة

شرحلي سيستمهم وان اي حد مش صيدلي بس جيرانه،معارفه صيادلة بياخد معاه اتنين ولو على حسابه ويطلعهم يشاركوا في الانتخابات،وهو حر يختار الاصلح من وجهة نظره

وان الدور الاصلاحي اهم بكتير من ميدان التحرير

كمان تطرقنا لأن المجالس المحلية اللي هيتنفذ قرار حلها خلال ايام_المفترض_ لازم هيبقى في لجان بديلة عنها،طيب المحافظ هيجيب مين!

اذا الكل ركز في التحرير قرارات زي قرار الحل ده هيبقى بلا عائد

انتخابات النقابات هترجع لفلول الوطني تاني بس بشكل شرعي المرة دي

تطرقنا ان معظم القوى السياسية سايب الساحة ومركزة ع الإعلام وده مش في مصلحة البلد

كمان قالي احنا مش بنحشد الا علشان مطالب قوية،الناس لما كل شوية نقولهم يلا اطلعوا مظاهرات ويكتشفوا انها بلا قيمة مش هيتجمعوا تاني

قالي كمان اننا(الاخوان) لو دعينا لتجمع واتحرقنا ،اولا المجلس مش هيعمل حسابنا

ثانيا هتلاقي الكل طالع يقولك ادي الاخوان

وانكشفتوا

وظهرت قوتكم الحقيقية..الخ

تطرقنا الى ان كلنا عارفين ان اعضاء المجلس كلهم معيينين من قبل مبارك وانهم مش هيعملوا محاكمات عادلة زي ما احنا عايزين،وان اسرع وسيلة للمحاكمات العادلة هي الحكومة المنتخبة

قالي انت عارفة اننا عملنا مسودة للقوة الوطنية وللمجلس نقترح فيها قوانين تنظم المرحلة الجاية والإنتخابات البرلمانية والقائمة المجمعة ..الخ

هو كشخص وكقيادي اخواني شايف ان دي اولويات المرحلة الجاية،وان الصدام مع المجلس حاليا هيوصلنا لدول زي ليبيا واليمن..الخ

من ضمن الحاجات انه قالي نروح ليه الميدان محدش دعانا

قلتله خدوا المبادرة

ضحكوا سوا وقالوولي لو مرحناش يتقال خونة

ولو خدنا المبادرة اقصائيين

احنا بنشتغل في ارض الواقع وهي دي الاهم

كان في كلام تاني بس انا مش فكراه،مع طبعا تبادل التحيات والإحترامات زي انا بقدر الاخوان واحنا فخورين ان في شباب بيحاول يعمل حاجة علشان بلده وما الى ذلك....

وفي اثناء الحوار جه ناس المفروض هيقابلوه فانا احرجت لاني اصلا مش واخدة معاد وقاعدة براحتي يعني وقلتله طيب هسيب حضرتك لشغلك،قالي هنكمل كلامنا وكملنا كلامنا فعلا..

واثناء ما جيت امشي اعتذرت لآني مخدتش معاد علشان معرفش سبل تواصل معاه فاداني الكارت بتاعه

وقالي هو والاستاذ الفاضل اللي كان معاه احنا سعداء بسماع ملاحظاتك وانك تتكلمي معانا وتتواصلي..الخ

فقلت فرصة اشتكي لحد ،قلتله لو ينفع توصلوا رسالة للقائمين على (اخوان اوف لاين) علشان الموقع ردئ جدا وهو ثورة مضادة عليكم لوحده..وقلتله حتى (اخوان اوف لاين) وقعدوا يضحكوا وقالوا حاضر وكلام من هذ القبيل..

خلاصة الحوار انه اقنعني انا _الانسانة الكسولة_ بفكرة العمل وتشجيع الصيادلة على الذهاب للإنتخابات

لدرجة اني دخلت صيدليتين كانوا في طريقي بس علشان اقولهم في انتخابات يوم الجمعة

واحد منهم قالي انتِ تبع مين؟

قلتله مش تبع حد

قالي ايه الوطنية دي،قلتله اهو نبقى ايجابيين،قالي متقلقيش بيوزعوا علينا وعموما مشكورة يعني..

طبعا قطعا من الواضح اني مأقنعتوش بفكرة الجمعة الجاية،بس على الاقل فهمت هو وجهة نظره ايه(كاخوان) وبقيت حاسه ان عندهم حق،صحيح لسه شايفة ان النزول مهم لو في توافق بس بقيت مقتنعة بوجهة نظرهم في الاولويات كمان...

في السكة حاولت اوصل لمقر حزب الوسط بس ملقيتوش او معرفتش اوصله وخلاص كنت سحت تماما يعني فقررت اروح بأه

بغض النظر عن دش التريقة اللي انا اخدته في الاول وبعض التريقة احيانا بس في النهاية الحوار تحول للجدية واداني من وقته فعلا ومبخلش

وانا ماشية استئذنته انقل اللي دار قالي اتفضلي

Kawther Elsaadny

النهاردة وانا بمتحن دماغي طبعا مكانتش في الامتحان خالص

يعني بدل ما اكتب عن الكازينوهات كنت بفكر في الاخوان_مادتنا فعلا فيها ادارة فنادق ونوع منها المتخصصة في الكازينوهات_ وعمالة اقول ليه محدش يتكلم معاهم في انهم ينزلوا يوم الجمعة 8/7

وبعدين قلت ما اروح اكلمهم انا :D

ايه اللي هيجرى يعني

قال يعني البنت المهمة

خلصت الامتحان ورحت على مقر الاخوان _اللي بقى رسمي وعيني عينك اهو_ ولقيته مقفول :(

والدنيا حر :(

جمبهم نجار قلتله متعرفش مواعيدهم!

قالي ملهمش مواعيد وهو السؤال هينط من عينه انت عوزاهم ليهمن النظرات حسيت كأني بعمل عملة مش رايحة مكان عام ومعروف

كلمت واحدة صاحبتي باباها اخوان يا بنتي عاوزة اوصلكم وتحديدا ل أ.محسن راضي (كان عضو البرلمان سنة2005) قالتلي اما اروح هجيبلك نمرته ..تسكعت شوية مع واحدة صاحبتي تانية ورحت تاني لقيتهم فتحوا (هيييييييييه :D( -ممكن اقابل استاذ محسن؟-لا هو في مكتبه دلوقتي ممكن تروحيله هناك

ملحوظة:هو محامي

-فين المكتب؟

-من هنا لأخر الشارع..الخ

والدنيا حر بردو بس قلت هتقابليه يعني هتقابليه يا فتكات

رحت المكتب والسلام عليكم وعليكم السلام

ممكن اقابله؟..الخ

دخلت المكتب كان بيتكلم في التليفون

بعد ما اخلص انا اسمي كذا واديته كارنيه الكلية وقلتله انا مبنتميش لأي تيار سياسي وعاوزة اسأل حضرتك عن موقفكم للجمعة الجاية

قالي طيب ولا اي تيار سياسي ولا شيوعية حتى!

بس بلهجة تريقة

قلت في نفسي التريقة اشتغلت اعملي نفسك عبيطة

-لا حضرتك

-الجمعة الجاية ايه اهدافها؟

-اكيد حضرتك شفت احداث ليلة الاربعاء واللي حصل والشهداء..الخ

-قالي طيب سمعتي عن الجمعة 15/7 ؟

-لا ،فيها ايه دي؟

-احنا(الاخوان) داعيين ليها

-وايه اهدافها ،حضرتك؟

-هناخد طبل ونروح التحرير ونعمل احتفالية للشهداء

طبعا بعبقريتي اللا محدودة كنت ادركت انه بيتريق عليا،بس عملت عبيطة وقلت كملي للأخر

-طيب وحضرتك شايف ان الطبل ده هيفيد اهالي الشهداء في حاجة؟

-اه هنحتفل بيهم ونعمل شو اعلامي ونظبط الجو

كفاية دور العبط بقى وعملت مصدومة

-ايه ده حضرتك بتتريق عليا؟ :(

-لقيته بيقولي طالما قلتي كده طيب اقعدي نتفاهم بالعقل

ياااااااااااااه اخيرا قالي اقعدي،انا كنت بسيح وهفطس من الحر والتدوير

اتناقشنا فعلا بكلام جاد ومفيهوش تريقة بعد كده،كان في معاه امام مسجد معروف عندنا و مدرس وتدخل في النقاش من باب اقناعي

دار بينا حوار تطرق ل أنتِ عارفة ان في انتخابات لنقابة الصيادلة الجمعة الجاية؟

وكان ردي مش كل الاخوان صيادلة

شرحلي سيستمهم وان اي حد مش صيدلي بس جيرانه،معارفه صيادلة بياخد معاه اتنين ولو على حسابه ويطلعهم يشاركوا في الانتخابات،وهو حر يختار الاصلح من وجهة نظره

وان الدور الاصلاحي اهم بكتير من ميدان التحرير

كمان تطرقنا لأن المجالس المحلية اللي هيتنفذ قرار حلها خلال ايام_المفترض_ لازم هيبقى في لجان بديلة عنها،طيب المحافظ هيجيب مين!

اذا الكل ركز في التحرير قرارات زي قرار الحل ده هيبقى بلا عائد

انتخابات النقابات هترجع لفلول الوطني تاني بس بشكل شرعي المرة دي

تطرقنا ان معظم القوى السياسية سايب الساحة ومركزة ع الإعلام وده مش في مصلحة البلد

كمان قالي احنا مش بنحشد الا علشان مطالب قوية،الناس لما كل شوية نقولهم يلا اطلعوا مظاهرات ويكتشفوا انها بلا قيمة مش هيتجمعوا تاني

قالي كمان اننا(الاخوان) لو دعينا لتجمع واتحرقنا ،اولا المجلس مش هيعمل حسابنا

ثانيا هتلاقي الكل طالع يقولك ادي الاخوان

وانكشفتوا

وظهرت قوتكم الحقيقية..الخ

تطرقنا الى ان كلنا عارفين ان اعضاء المجلس كلهم معيينين من قبل مبارك وانهم مش هيعملوا محاكمات عادلة زي ما احنا عايزين،وان اسرع وسيلة للمحاكمات العادلة هي الحكومة المنتخبة

قالي انت عارفة اننا عملنا مسودة للقوة الوطنية وللمجلس نقترح فيها قوانين تنظم المرحلة الجاية والإنتخابات البرلمانية والقائمة المجمعة ..الخ

هو كشخص وكقيادي اخواني شايف ان دي اولويات المرحلة الجاية،وان الصدام مع المجلس حاليا هيوصلنا لدول زي ليبيا واليمن..الخ

من ضمن الحاجات انه قالي نروح ليه الميدان محدش دعانا

قلتله خدوا المبادرة

ضحكوا سوا وقالوولي لو مرحناش يتقال خونة

ولو خدنا المبادرة اقصائيين

احنا بنشتغل في ارض الواقع وهي دي الاهم

كان في كلام تاني بس انا مش فكراه،مع طبعا تبادل التحيات والإحترامات زي انا بقدر الاخوان واحنا فخورين ان في شباب بيحاول يعمل حاجة علشان بلده وما الى ذلك....

وفي اثناء الحوار جه ناس المفروض هيقابلوه فانا احرجت لاني اصلا مش واخدة معاد وقاعدة براحتي يعني وقلتله طيب هسيب حضرتك لشغلك،قالي هنكمل كلامنا وكملنا كلامنا فعلا..

واثناء ما جيت امشي اعتذرت لآني مخدتش معاد علشان معرفش سبل تواصل معاه فاداني الكارت بتاعه

وقالي هو والاستاذ الفاضل اللي كان معاه احنا سعداء بسماع ملاحظاتك وانك تتكلمي معانا وتتواصلي..الخ

فقلت فرصة اشتكي لحد ،قلتله لو ينفع توصلوا رسالة للقائمين على (اخوان اوف لاين) علشان الموقع ردئ جدا وهو ثورة مضادة عليكم لوحده..وقلتله حتى (اخوان اوف لاين) وقعدوا يضحكوا وقالوا حاضر وكلام من هذ القبيل..

خلاصة الحوار انه اقنعني انا _الانسانة الكسولة_ بفكرة العمل وتشجيع الصيادلة على الذهاب للإنتخابات

لدرجة اني دخلت صيدليتين كانوا في طريقي بس علشان اقولهم في انتخابات يوم الجمعة

واحد منهم قالي انتِ تبع مين؟

قلتله مش تبع حد

قالي ايه الوطنية دي،قلتله اهو نبقى ايجابيين،قالي متقلقيش بيوزعوا علينا وعموما مشكورة يعني..

طبعا قطعا من الواضح اني مأقنعتوش بفكرة الجمعة الجاية،بس على الاقل فهمت هو وجهة نظره ايه(كاخوان) وبقيت حاسه ان عندهم حق،صحيح لسه شايفة ان النزول مهم لو في توافق بس بقيت مقتنعة بوجهة نظرهم في الاولويات كمان...

في السكة حاولت اوصل لمقر حزب الوسط بس ملقيتوش او معرفتش اوصله وخلاص كنت سحت تماما يعني فقررت اروح بأه

بغض النظر عن دش التريقة اللي انا اخدته في الاول وبعض التريقة احيانا بس في النهاية الحوار تحول للجدية واداني من وقته فعلا ومبخلش

وانا ماشية استئذنته انقل اللي دار قالي اتفضلي

الجمعة 1/7(حقائق،وجهة نظر)

أولا الحقائق:

العدد

ألاف يتراوح من 10 ل20 يمكن ده رقم تقريبي ربما أكثر على مدار اليوم لكن معتقدش زاد في مرحلة ما عن كده

الأكير بروزا وتنظيما اليوم هي حركة 6 أبريل

عدد 2 منصة

عدد من سيارات الإسعاف

حركة مرور طبيعية عند المتحف وعمر مكرم ومتوقفة عند هارديز ومدخل طلعت حرب

المسيرة المنطلقة من عمر مكرم لمجلس الوزراء كانت كل مدى بتزيد،واللي منظمها،او الابرز كانوا شباب 6 أبريل

روايات متفرقة عما حدث ليلة الأربعاء من ضمنهم رواية لشخص قدم لنا على انه الدكتور فلان وقال انهم ذهبوا بوفد للوزارة ودخلوا للوزير _تتحسب للوزير دي_ ليجدوه يشاهد القناة الأولى المصرية

أخبروه أن هناك تعاملا عنيفا وأن أحد التشكيلات دموي للغاية فرفع سماعة هاتفه وأصدر أوامره بوقف التعامل العنيف ومع ذلك إستمرت الإشتباكات

روايات متفرقة من أشخاص زعموا أنهم تواجدوا ليلة الأربعاء

إصرار على توضيح أن اليوم ليس للدستور ولا للإنتخابات،هو يوم للقصاص فقط..!!

لا وجود للداخلية ولا الجيش بأي شكل

في حد اسمه سيد او السيد طلع قال كلام حلو ومظبوط اوي على احداث ليلة الأربعاء

__________________________

وجهة نظر:

الميدان يفقد تدريجيا أهميته وتأثيره

الميدان من غير الأخوان ملوش طعم

كافة القوى السياسية تتساقط كورق الشجر خريفا،حزب يلي الأخر لا وجود حقيقي لهم،ولا حتى من باب إستغلال الموقف لصالحهم

لا معنى للمطالبة بإسقاط العيسوي ولا معني لإسقاط حكومة شرف ،المعنى يأتي من حجم المطالبين ومن الواضح أنه حجم ضئيل جدا..

الهتافات في بداية فترة الظهيرة ركزت على تغيير المشير،إسقاط المشير..إلخ

تراجعت هذة الهتافات لهتافات أكثر توحدا وقبولا من قبيل إقالة العيسوي وشرف

المسيرة احتوت على هتافات من نوعية (مدنية،،حكم عسكر ليه،،..إلخ) وهي هتافات لا غبار عليها ظاهريا خلاف اننا بالفعل متفقين على جدول زمني للتخلص من حكم العسكر وهتافات كهذة تعود بنا للخلف لا تذهب للأمام..

شعوري الخاص تجاه 6 إبريل إنهم إستغلوا اليوم ومع ذلك فهو إستغلال محمود لآن لولاهم لكان يوم (بتنجان جدا) ..

المطالبة بإسقاط المشير بصراحة مش قادرة أبلعها

اصل ايه البديل يعني!

مجلس رئاسي؟؟

ده التفاف على الاستفتاء ومرحلة جدلية ملهاش اي داعي غير خنق البلد اكتر

خلاص احنا في مرحلة انتقالية

اي تجاوز ننزل ونقول لا ده مينفعش

ده تجاوز

ماشي

وقت المطالب يكون ساعة الانتخابات

هل الانتخابات في معادها والدنيا في السليم!

يبقى كفى الله المؤمنين شر القتال

هل المجلس هيمدد الفترة الانتقالية!

ساعتها يبأه المطالبة برحيل المجلس كله منطقية و واجبة

ويبأه جنت على نفسها براقش!