انت نايم و متهنى كده و مش فى بالك حاجة قام الاوعى عند سعادتك اخدك فى رحلة الى دهاليز الا شعور على اساس استشفاف مجاهل عقل سعادتك ......... شوف الا وعى الى ما بيختشيش باه كده بيحاول سبر اغوار نفسك المحصنة ضد جميع الا وعيات .........؟قلة ادب بس بينى و بينك الواد الا وعى بذل مجهود بصراحة و طلع الكام فكرة الى انت حابسهم فى الدهاليز و قافل عليهم من يوم ولدتك امكاسكت ما تقولش لحد الواد الا وعى اكتشف انك عامل (جاموس___قاموس) فى دهاليز فردة >>>احم احم اقصد عقل سعادتكو كانت بدايته كالاتى ( مفردات الا وعى مش مفرداتى ):ا= اصمت = كلمة تعنى ان تغلق فمك على لسانك و تستمع الى حمير البلد على اساس ان الكلام ما بيوديش غير فى داهيةا=الحرية = ان تنعم بعز (الحر ) الصيفى تحت تمثال ابو الهول لكى تشاهد (ية) تمر من جانبك ا=المصداقية=هى خلط لكلمة الصدق التى تعنى فى جاموس سعادتك ان ما تكذبش اكتر من 1000000000000000 مرة بس فى اليومى=يمكن تظبط معاك = و ربنا يرحمك من العيشة دىتقولى و الحروف الى بين الالف و الياء راحوا فين ؟ اقولك اسكت ما تقولش لحد مش الا وعى ما عرفش يسبر اغوار عقلك الماسى الا متناهى فلسه فى رحلة تانية جواه .............اسكت ما تفتكرش انى خلصت لازال الا وعى على قيد الحياة و يغرق فى بحر عبقريتك............
Saturday, June 2, 2007
اتجمعوا العشاق.......
اتجمعوا العشاق
اتجمعوا العشاق في سجن القلعة ... اتجمعوا العشاق في باب الخلق
و الشمس غنوة من الزنازن طالعة .. و مصر غنوة مفرعة في الحلق
تجمعوا العشاق بالزنزانة .... مهما يطول السجن مهما القهر
مهما يزيد الفجر بالسجانة .. مين اللي يقدر ساعة يحبس مصر
............ ...
تجمعوا و العشق نار في الدم ..... نار تحرق الجوع و الدموع و الهم
نار تشتعل لما القدم ينضم .... لما الايادي تفور في لم اللحم
و اللحم متنتور في رملة سينا .... و الكدب بيحجز على أيادينا
قدم العدو غارسة في لحم ترابي ... و الكدب عشش مخبرين على بابي
و المخبرين خارجين كلاب سعرانة ... بيجمعوا العشاق في الزنزانة
............ ...
مصر النهار يطلقنا في الميادين .. مصر البكا .. مصر الغنا و الطين
مصر الشموس الهالة من الزنزانين .. هالة و طارحة بدمنا بسا تين
مصر الجناين طرحة مين يقطفها .. مصر الجناين للي يرفع سيفها
مهما يطول السجن مهما القهر .. مهما يزيد الفجر بالسجانة
مين اللي يقدر ساعة يحبس مصر
احمد فؤاد نجم
Subscribe to:
Posts (Atom)